«Жасыл желек, бұл – біздің болашақ ұрпаққа жасап отырған сыйымыз» - деп, Елбасы Н.Ә.Назарбаев айтқандай «Жасыл даму» бағдарламасы аясында мектебімізде атқарылған істер қатары көш ілгері деп мақтануға тұрарлық.
Елбасының «Жасыл даму» көгалдандыру бағдарламасының басты мақсаты – тек көшеттер отырғызу емес, ең алдымен жастарды туған өлкенің табиғатын аялап, қорғай білуге үйретіп, туған өлкені абаттандыруға белсене қатыстыру.
Осы мақсатта мектебімізде «Саябақтар шеруі», «Мектебіңе ағаш сыйла!», «Табиғатты қорғаймыз! Жер-Ананы қолдаймыз!» тақырыбымен ағаш отырғызу акциялары, ұдайы ұйымдастырылуда. Мектеп оқушыларын еңбекке баулу, көкөністерді отырғызып, оны баптау және зерттеу жұмыстарына үйрету мақсатымен «Жасыл желек» оқу-тәжірибе үлескісінде түрлі көкөністер өсіріліп, оның өнімдерінен қысқыға түрлі салаттар дайындау сабақтары да жүргізіледі.
Аудандық жыл сайын сырттай ұйымдастырылатын байқаулардан да біздің «Жасыл желек» оқу-тәжірибе үлескіміз жүйелі жұмыстары үшін жүлделі орындарға ие болуда. Биыл да міне, «Күзгі өнімдер» аудандық байқауы қыркүйек айында оздырылып, мектебімізден қатысқан «Табиғат сақшылары» тобы үздік деп танылып, облыстық кезеңде өткен байқауда алғыс хатқа «Үздік мүсіндер» номинациясы бойынша және «Үздік үгіт бригадасы» номинациясы бойынша ІІ орынмен алға шықты. «Табиғат сақшылары» тобының үздіктері Мұрат Зарина, Ерошов Алтынбек, Марксқызы Мадина және Арухан Джумақаеваларға облыстан бағалы сыйлықтар мен мақтау қағаздары табыс етілді.
Жомарт жердің пайдасын уақытында игерер, осындай білімді, тәрбиелі, алғыр да белсенді оқушыларымыздың қатары әрқашанда көбейе берсін демекпіз.
